100komma7.lu

/ Viktor Orban trëfft sech mam Wladimir Putin a plädéiert fir Enn vum Ukrainkrich

Ungaresche Premier

| 28.11.2025 - 16h28

1 min

Viktor Orban trëfft sech mam Wladimir Putin a plädéiert fir Enn vum Ukrainkrich

Bei engem Treffe mam Kremlchef Wladimir Putin huet den ungaresche Premier Viktor Orban fir een Enn vum Ukrainkrich plädéiert. Iwwerdeems huet hien de russesche President op en neits fir ee Sommet zesumme mam US-President Donald Trump invitéiert.

1 min

(Foto: EPA/ALEXANDER NEMENOV / POOL)

De Wladimir Putin hätt sech dofir bereet erkläert, wann dann d‘Verhandlungen iwwer een Enn vum Krich och zu Resultater féiere géifen.

De Viktor Orban huet an engems déi rezent Initiativ vum Donald Trump fir Friddensverhandlunge begréisst a betount, datt hie weider op stabil Ueleg- a Gasliwwerungen hofft.