D’Chambre Immobilière schwätzt vun enger "Vertrauenskris", bedéngt duerch vill Facteuren. Dorënner héich Zënsen, Baukäschten déi klammen, Finanzéierungsproblemer a vill Onsécherheet bei de Reglementer. Développeuren hätte wéinst dësen Ëmstänn net opgehalen ze bauen, mee missten aus Virsiicht handelen.
Grad d'Promoteure wieren déi Haaptbetraffe vun der Kris, schreift d‘Chambre immobilière weider, well si déi héich Käschte gedroen hätten. Duerch déi rezent Annoncë vun der Regierung géif sech de Secteur awer elo entspanen, behaapt nach d‘Chambre Immobilière.
De Jean-Paul Scheuren vun der Chambre Immobilière erkläert am 100,7-Interview, datt sech d’Clienten a Krisesituatiounen éischter fir scho bestoend Immobilie géifen intresséieren an net genuch Vertrauen an Neibau-Projeten hätten.
