Bei engem offizielle Mëttegiesse sinn dann och d‘Defenseministerin Yuriko Backes, de Finanzminister Gilles Roth an d‘Justizministerin Elisabeth Margue dobäi. Theeme sinn déi aktuell Situatioun an der Ukrain an déi Lëtzebuerger Hëllef. Den ukrainesche Premier soll och e Kooperatiounsaccord mam Ausseminister Xavier Bettel ënnerschreiwen.
Et sinn och Entrevue geplangt mam Grand-Duc Henri, mam Chamberpresident Claude Wiseler a mat der Presidentin vun der Europäescher Investitiounsbank Nadia Calviño.
