D'Labour Partei géif am Fall vun enger Victoire déi konservativ Tories, no 14 Joer un der Muecht, ofléisen. De Premier Rishi Sunak huet d‘Hoffnung awer nach net ganz opginn.
Um soziale Reseau X huet hie gëscht geschriwwen „It ain‘t over till it‘s over“ – an dozou eng Foto gepost vum Moment, wou déi englesch Futtball Nationalequipe an der allerleschter Minutt awer nach e Gol géint d‘Slowakei geschoss hat, an esou eng Eliminatioun bei der Futtball Europameeschterschaft konnt verhënneren.