Wéinst de Changementer an der Mobilitéit géifen d’Tankstellen allgemeng vill investéiere fir eng fiabel Infrastruktur fir d’Elektromobilitéit ze schafen, esou op eis Nofro de “Groupement Energies Mobilité Luxembourg”. Schonn haut géifen et iwwer 100 Luedstatiounen op den Tankstelle ginn.
De Verkaf vun Diesel op den Autobunnstankstelle wier vun 2018 bis 2022 ëm quasi 50 Prozent zeréck gaangen.
Dem Groupement no géif de Verkaf vu Sprit a Stroum haut d’Hallschent vum Tankstellen-Ëmsaz ausmaachen.
2022 goufen et hei am Land 232 Tankstellen.
