Geschriwwe vum Jimmy Bruch
Dobäi war och d'Groussherzoglech Koppel an d'Gesondheetsministesch Martine Deprez. D’Gebai, direkt nieft der Hollerecher Zoppekichen, kréie si fir déi nächst 10 Joer Gratis vun enger Privatpersoun zur Verfügung gestallt. Just d’Renovatiounskäschte vu ronn 300.000 Euro huet d’Stëmm vun der Strooss missen iwwer Done selwer finanzéieren.
Méi Plaz an eng däitlech besser Ambiance
200 Meterkaree huet d‘Lokalitéit, betount d‘Directrice Alexandra Oxacelay.
"E Rez-de-Chaussé wou d’Leit sech kënnen ausrouen. Si kënne bei de Coiffeur goen, bei den Dokter, bei de Veterinär, roueg bei d’Assistante sociale. Si kennen sech awer och aschreiwe kommen, fir all déi Servicer ze kréien déi mer ubidden."
Am Restaurant wier et dofir ze enk ginn. Et wiere Konflikter entstanen. D'Raimlechkeete goufe schonn am Dezember opgemaach. Zënterhier hätt sech d'Ambiance däitlech verbessert.
