Den LCGB an OGBL weise sech irritéiert iwwer déi Annonce, déi se iwwert d’Presse gewuer goufen. Am Comité permanent du travail et de l’emploi hate si vum Georges Mischo gefuerdert, si net virun e Fait accompli ze setzen. Dat wier awer elo geschitt.
Bannent de leschte Joren hunn d’Gewerkschaften am Secteur vum Commerce wuel a 40 Kollektivverträg eng Sonndesaarbechtszäit vu méi ewéi 4 Stonne virgesinn, mee op fräiwëlleger Basis. D‘Géigepartie dovunner sinn héich Sonndeszoulagen oder och méi Congé.
Mat enger Generaliséierung vun den 8 Stonne wier et an Zukunft awer schwiereg, besser Konditiounen auszehandelen, soen d‘Gewerkschaften. Si gesi sech e Méindeg de Mëtteg fir Concertatiounen.