Zu de 19 Persounen, déi de Koalitiounsaccord sollen zesummeschreiwen, gehéieren och déi véier Parteicheffen. De Friedrich Merz fir d'CDU, de Markus Söder fir d'CSU, an d'SPD-Spëtzte Lars Klingbeil a Saskia Esken.
D'Aufgab vun de Chefverhandler:inne wäert elo sinn, d'Propose vun den Aarbechtsgruppe festzezéien. Do géif et nach Aarbecht ginn, sot de Friedrich Merz e Samschdeg.
Onkloer, wéi genuch Sue fir reguläre Budget zesummekommen
Bei verschiddenen Theemen si sech Unioun an SPD scho gréisstendeels eens. Déi sougenannte Mietpreisbremse, déi d'Loyerspräisser soll schützen, gëtt zum Beispill verlängert. Och iwwer eng Reform vun der Deutsche Bahn a Subventioune fir Elektromobilitéit si sech d'Parteien eens.
Grouss Knackpunkte sinn awer nach d'Migratiounspolitik an d'Finanzen. Zwar wäert déi nei Regierung duerch déi historesch Ofstëmmungen am Bundestag dëse Mount méi Scholde kënnen ophuele wéi an der Vergaangenheet. Wéi Unioun an SPD awer am reguläre Budget genuch Suen zesummekréien, ass nach oppen.
Iwwer de Weekend hu sech d'Verhandler:innen zouversiichtlech gewisen, datt si sech bis Ouschtere wäerten eens ginn. Deen Zäitplang hat de Friedrich Merz no der Bundestagswal ausgeruff an hält, obwuel nach vill Diskussiounsbedarf do ass, och weider doru fest.
Explikatioune vun 100,7-Däitschland-Korrespondent Matthias Kirsch
