De Wolodymyr Selenskyj huet donieft erkläert, datt d'Russen Truppen an deem vun hinne besate Süde vun der Ukrain accumuléiere géifen.
D'Ukrain hätt da mat Succès eng nei Rakéit getest, déi 3.000 Kilometer wäit fléie kéint. Donieft sot den ukrainesche President, hien hätt sengem US-Homolog Donald Trump un d'Häerz geluecht, beim ungaresche Premier Viktor Orbán ze intervenéieren, fir datt deen domat ophält, en EU-Bäitrëtt vun der Ukrain ze blockéieren.
China iwwerdeems kéint kee Garant fir d'Sécherheet vun der Ukrain sinn.
Dem russeschen Ausseminister Sergei Lawrow no wier en Asaz vun europäeschen Zaldoten an der Ukrain iwwerdeems inakzeptabel. DeMoment sinn Debatten an deem Sënn e bëssen iwwerall um ale Kontinentamgaangen. Donieft huet de Chef vun der russescher Diplomatie gemengt, datt d’Ukrain net un engem gerechten an nohaltege Fridden interesséiert wier.
