Pressefoto 2026: Famill, déi vun US-Immigratiounsautoritéit ICE festgeholl gëtt
Eng Foto vun enger Famill, déi vun der US-Immigratiounsautoritéit ICE festgeholl gëtt, ass Pressefoto vum Joer ginn. Déi US-amerikanesch Fotografin Carol Guzy huet domat de renomméierten Concours „World Press Photo“ gewonn.
World Press Photo 2026 (Foto: EPA/Carol Guzy, ZUMA Press, iWitness, for Miami Herald )
D‘Foto mam Titel „Separated by ICE“ weist Kanner, déi sech um T-shirt vun hirem Papp festklameren. Et gesäit een Hänn a Verzweiflung. De Papp gesäit een net.
D‘Foto ass an engem Geriicht zu New York opgeholl ginn, a weist d‘Suitte vum deelweis brutale Virgoe vun den ëmstriddenen ICE-Beamte géint Immigranten.
