100komma7.lu

/ BBC entschëllegt sech awer beim Donald Trump

Kontroversen Extrait

| 14.11.2025 - 08h40

1 min

BBC entschëllegt sech awer beim Donald Trump

De President vun der BBC huet dem US-President e Bréif mat Excusë geschriwwen. Iwwerdeems huet de brittesche Sender op sengem Internetsite annoncéiert, datt d'Emissioun, déi den Trump kritiséiert, net nach emol gesent gëtt.

1 min

D'BBC-Gebai zu London (Foto: EPA/ANDY RAIN)

Béides hat den Donald Trump gefuerdert. Schuedenersatz wäert d'BBC awer net bezuelen. Och dat hat den US-President gefuerdert.

Wéinst enger Emissioun iwwer de Stuerm op de Kapitol am Joer 2021 hat den Donald Trump déi Fuerderunge gestallt. D'BBC hat Extraiten aus senger Ried esou zesummegeschnidden, datt een den Androck kritt, datt den Donald Trump direkt zu Gewalt opgeruff hätt.