De Marc Lies hat op Facebook op de Message vun engem Hesper Bierger reagéiert, dee fënnef Hénger gekäppt a geklaut kritt hat. Doran hat hien ënnert anerem op d’Politik vum fréieren Aussen- an Immigratiounsminister Jean Asselborn ugespillt.
Déi haasserfëllten an diskriminéierend Aussoen, wiere fir den éischte Bierger vun enger Gemeng, déi zu bal 60 % aus Net-Lëtzebuerger Bierger mat iwwer 128 Nationalitéite géing bestoen, inakzeptabel, kritiséieren déi dräi Oppositiounsparteien aus dem Hesper Gemengerot.
Si fuerderen, datt den CSV Député-Maire sech ëffentlech an der nächster Gemengerotssëtzung erkläert an entschëllegt. Weider misste konkret Moossname geholl ginn, fir datt esou eppes an Zukunft net nach eng Kéier geschitt.
