D’Enquête gouf am Juli 2024 lancéiert, nodeems een Ex-Member vun der Fraternitéit an eng Affär mat enger Fra verwéckelt war. De Poopst François huet de betraffene Paschtouer mëttlerweil aus dem Klerus entlooss.
D’Enquête huet och kritesch Resultater iwwer déi theologesch-philosophesch Léiere vum Pater Marie-Dominique Philippe bruecht, de Grënner vun der Communautéit Saint-Jean, op deem seng Léiere Verbum Spei sech nach ëmmer staark bezitt.
Den Äerzbistum stellt nach kloer, datt kee Member vu Verbum Spei zu Lëtzebuerg wéinst sexuellem Mëssbrauch beschëllegt gouf.
