/ Op d'mannst 15 Doudeger bei israeelescher Loftattack op e Schoulgebai
Bei enger israeelescher Loftattack an der Gazasträif op e Schoulgebai, an deem Flüchtlingen ënnerbruecht sinn, wieren op d'mannst 15 Mënschen ëm d'Liewe komm, esou palästinensesch Sourcen.
1 min
Déi israeelesch Arméi huet d'Attack confirméiert a sot, Terroriste vun der Hamas hätte sech am Gebai opgehalen, an et wieren e puer Hamas-Membere bei der Attack ëm d'Liewe komm.
D'Hamas hätt d'Gebai fir Attacken op Israel benotzt, esou déi israeelesch Arméi.