Deen 81 Joer alen Demokrat huet onkloer Aussoe mat dënner Stëmm gemaach, huet ofwiesend an duerchernee gewierkt. Et misst een elo doriwwer diskutéieren, op hie weidermaache soll, sot den David Axelrod, deen de Chefstrateeg vum Barack Obama senger Presidentecampagne war.
Keen Handshake tëschent béide Politiker
Den Donald Trump huet sech an dëser Debatt gewinnt aggressiv gewisen a sech selwer gelueft. Wéinst dem Biden senger schwaacher Form konnt hien och eng Partie Lige formuléieren, deenen net widdersprach gouf.
Béid hunn iwweregens gewisen, datt si sech net leide kënnen. Si hunn net matenee geschwat an hu sech bei hirer Arrivée an de Studio vun CNN och d‘Hand net ginn.