D’Unzéie vun internationalen Talenter an der Fuerschung wier eng strategesch Prioritéit, ënnersträicht d’Ministerin.
Fir international Fuerscher unzezéien, géifen et eng Rei Finanzéierungsinstrumenter ginn, preziséiert d’Stéphanie Obertin (DP).
Hire Ministère géif och aktiv am interministerielle Kommitee fir “Talent attraction” matschaffen.
A senger parlamentarescher Fro hat de Sven Clement (Piratepartei) den 12. Mäerz vun enger “historescher Chance fir Europa an och fir Lëtzebuerg” geschriwwen. Den Deputéierten hat een Artikel zitéiert, an deem stoung, datt iwwer 200.000 jonk Wëssenschaftler aus US-Institutiounen entlooss gi wieren.
