D‘Statistikamt schwätzt vun enger positiver Evolutioun, mee se misst nuancéiert ginn. D‘Baisse vun der Unzuel vun de Faillite kéim nämlech vun deenen Entreprisen, déi keng Mataarbechter hätten a vu Fongen an Holdingen.
Par Rapport zum Joer 2022 wier d‘Unzuel u Faillite vun den Entreprisë mat méi wéi engem Mataarbechter op där anerer Säit an d‘Luucht gaangen. Net iwwerraschend sinn den Immobiliesecteur an déi zesummenhänkend Secteuren am meeschte vun de Faillite betraff. Am Horeca-Secteur an am Commercë ginn et manner Faillitten.
