Den Emmanuel Macron sot, de Krich misst sou séier wéi méiglech gestoppt ginn, Libanon bräicht onbedéngt e Waffestëllstand. D‘UNO sot, datt de Libanon 400 Milliounen Euro Direkthëllef bräicht.
Och de Lëtzebuerger Ausseminister Xavier Bettel ass op der Libanon-Konferenz zu Paräis dobäi.
Gläichzäiteg ass den amerikaneschen Ausseminister Antony Blinken zu Doha, fir mat de Responsabele vum Qatar eng Wafferou fir d‘Gazasträif auszehandelen. De Qatar ass ee Mediateur am Krich tëscht Israel an der Hamas. Den Antony Blinken sot, dass d‘Verhandlungspartner sech an den nächsten Deeg géifen treffe fir iwwert eng Wafferou ze diskutéieren. D‘USA hätte verschidden Optioune fir de Krich an der Gazasträif op en Enn ze bréngen. Hien huet och eng Hëllef vun 135 Milliounen Dollar fir dat palestinensescht Vollek an Aussiicht gestallt