Iwwerdeems huet Israel confirméiert, datt de potentielle Successeur vum fréieren Hisbollah Chef Nasrallah och dout ass. De Safi al-Din wier virun dräi Woche bei enger Attack zu Beirut ëm d‘Liewe komm, sou déi israeelesch Arméi. Hie gouf als Successeur vum Hisbollah Chef Hassan Nasrallah gehandelt, deen Enn September vun Israel ëmbruecht gi war.
Den US-Ausseminister Antony Blinken huet op Visitt zu Tel Aviv Israel opgeruff, sech vis à vis vum Iran zeréckzehalen a kéng gréisser Attack op den Iran ze lancéieren. Nodeems den Iran den 1. Oktober 200 Rakéiten op Israel geschoss hat, gëtt eng Géigenattack vun Israel erwaart.
Eng weider Eskalatioun vum Krich misst awer evitéiert ginn, esou den Antony Blinken viru sengem Depart aus Israel a Saudi-Arabien. Dat ass déi nächst Statioun vu senger Tournée.