D'Reprochë sinn ënnerem, datt d‘ADR géif uginn, fir Lëtzebuerg ze stoen, géif awer d‘Diversitéit vun de Kulturen, déi Lëtzebuerg ausmécht, mëssuechten.
Si géife vum Onsécherheetsgefill vun de Leit profitéieren. Och d‘Leit, déi Kultur maachen an d‘Konschtfräiheet wier hinnen egal, heescht et an der Petitioun. Kënschtler, deenen hir Aussoen hinnen net passen, huelen si op d'Geriicht a versiche si monddout ze maachen.
Si géife Fakte fir Meenungen an hir Meenunge fir Fakten halen a si géifen net nëmme faschistesch Aussoen an hire Reien toleréieren, mee et wier hinne souguer egal, heescht et vum Grupp.