Bei der Explosioun waren de 14. Februar 2019 an engem Munitiounslager vun der Arméi zwee Ënneroffizéier ëm d‘Liewe komm, wéi si eng Granat aus dem Zweete Weltkrich manipuléiert hunn. Zwee weider Zaldote goufe blesséiert, een dovu liewensgeféierlech.
An éischter Instanz waren de François Bausch an den Alain Duschène wéinst coups et blessures involontaires virun de Correctionnel verwise ginn. Deen huet elo festgestallt, datt déi zwee Beschëllegt net am Detail iwwer d‘Emstänn vun dësen Akten am Arméidépot Bescheed wossten. Deemno kéinten si och net responsabel gemaach ginn. D‘Decisioun aus éischter Instanz gouf dowéinst reforméiert.
De penale Volet vum Dossier Waldhaff ass domat ofgeschloss.
