Däitschland huet nach ënnert der aler Regierung virun 10 Méint nees Grenzkontrollen ageféiert. Wat vun den Nopeschlänner, Lëtzebuerg inclus, ëmmer nees kritiséiert gëtt.
Et wier eng Moossnam op Zäit huet de Friedrich Merz betount. D‘Inneministere vu béide Länner sollten elo iwwert d‘Méiglechkeet schwätzen, fir d‘Grenzkontrolle méi wäit an Däitschland eran ze leeën - also vun de Grenzen ewech.
Et war dëst déi éischt Visitt vum Premier beim - vum schonn net méi grad sou neien - däitsche Regierungschef.
De Friedrich Merz huet d’Relatioune mat Lëtzebuerg als aussergewéinlech gutt bezeechent.
De Luc Frieden huet den däitsche Regierungschef e laangjärege Frënd genannt, déi vill géif verbannen.
Béid Regierungscheffen hu sech um Dënschdegmoien iwwer europäesch an international Themen ausgetosch. Alle béid géifen si sech beispillsweis och dofir asetzen, datt d‘EU d‘Mercosur-Ofkommes ofschléisst, esou nach de Bundeskanzler.
