D’lescht Woch hat den Entrepreneur Flavio Becca an der sougenannter “Aueren-Affär” jo dräi nei juristesch Aktioune géint de Lëtzebuerger Staat lancéiert. Dat dierft keen Afloss op d’Auere-Stee vum Samschdeg Mëtteg hunn.
842 Aueren am Wäert vun 18 Milliounen Euro ware beschlagnaamt ginn. Dat war – wéi gewosst - een Deel vum Urteel géint de Flavio Becca an dëser Affär.
Op d’Fro, ob déi nei juristesch Aktiounen een Afloss op d’Auere-Stee zu Munneref hunn, huet de Bureau de gestion des avoirs eis dëser Deeg schrëftlech geäntwert.
"Le BGA procèdera à la vente aux enchères de 150 montres, propriété de l’Etat, suite à des décisions de confiscations définitives."
Bei den 150 Aueren, déi elo solle versteet ginn, handelt et sech net nëmmen ëm där aus der Affär vum Flavio Becca, hat d’Lëtzebuerger Wort preziséiert.
Affekot vum Flavio Becca: Lëtzebuerger Staat misst d'Stee
Zu dëser Stee zu dësem Zäitpunkt, seet den Affekot vum Entrepreneur, de Me Jean-Louis Dupont.
"C’est la mise en œuvre des décisions de justice. Maintenant, devant les actions que nous avons intentées, dans sa grande sagesse, l’État luxembourgeois serait bien inspiré de ne pas procéder à la vente de montres dont nous contestons qu’elles étaient saisies suite à un délit, et que le délit, selon nous, (…) incriminer un tel délit, viole le droit de l’union européenne. (…))"
De Flavio Becca huet verschidde juristesch Aktioune lancéiert
D’Cour de Cassation hat de leschten Dezember d’Verurteelung vum Geschäftsmann a Sportinvestisseur Flavio Becca wéinst Abus de biens sociaux a wéinst Blanchiment détention confirméiert.
D’lescht Woch hat de Geschäftsmann matgedeelt, eng Plainte géint Lëtzebuerg bei der EU-Kommissioun deposéiert ze hunn, wéinst Verstouss géint EU-Recht. Donieft gouf eng Requête beim Europäesche Geriichtshaff fir Mënscherechter gemaach. An de Flavio Becca hat ugekënnegt, eng Schuedenersatzklo géint de Lëtzebuerger Staat beim Bezierksgeriicht Lëtzebuerg wëllen ze maachen.