Am Kontext vum Heescheverbuet gouf dem Christian Kmiotek seng Affär klasséiert. Dat huet de fréiere grénge Parteipresident de Moien an de soziale Medie matgedeelt. Am Bréif vun der Justiz un hie stéing keng Begrënnung vun der Decisioun vum Procureur d’Etat:
“De Procureur selwer, also net e Substitut, mee de Georges Oswald, huet d’Affär klasséiert. Ech hunn dat net ze kommentéieren. Am Géigesaz zu verschiddene Politiker wéi Gloden, Polfer oder Frieden kommentéieren ech net Decisioune vun der Justiz. Ech respektéiere se. Mee natierlech, et bleift dobäi, dass Aarmut kee Verbriechen ass.”
Hie géif dann och hoffen, datt anere Leit hir Affären net géife klasséiert ginn, sou nach de Christian Kmiotek.
#Heescheverbuet : Meng Affaire gouf klasséiert.
— Christian KMIOTEK (@KmiotekC) April 5, 2024
Am Géigesaz zu Gloden, Polfer, Frieden respektéieren ech dës Decisioun vun der Justiz, kommentéieren se net a stellen se och net a Fro.
Mee et bleiwt derbäi: Aarmut ass kee Verbriechen!
Merci all deenen, déi mech ënnerstëtzt hunn. pic.twitter.com/jrvWlrVIbw