Wéi Red Bull matgedeelt huet gëtt de 57 Joer ale Fussballtrainer "Head of Global Soccer". Dëse Posten trëtt hien den 1. Januar 2025 un. Hie soll fir all d‘Veräiner vum Red-Bull-Grupp am Management schaffen. Seng Aufgabe wieren zum Beispill beim Choix vun den Traineren a Spiller matzehëllefen.
Zum Red Bull Konzern gehéiere 5 Fussballclibb: RB Leipzig, Red Bull Salzburg, Red Bull New York a Red Bull Bragantino. Zënter 2024 gehéiert och e japaneschen Drëttligist zum Red Bull Imperium.
Wéi Sky mellt hätt de Jürgen Klopp awer eng Klausel am Kontrakt, datt hie kéint erausklammen, wann hien enges Daags als Bundestrainer géif a Fro kommen.
No der Saison 2023/24 hat de Jürgen Klopp säi Poste beim FC Liverpool als Cheftrainer opginn.