De Premierminister Luc Frieden misst iwwerdeems seng Attitüd op d'Säit leeën, déi géif nämlech drop hiweisen, datt de Premier vun Ufank un d'Gewerkschafte wollt méi kleng kréien, mengt den Nicolas Schmit. Hie bezitt sech domat ënner anerem op d'Remarke vum Premierminister um Summerfest vun der CSV. D'Reaktioun vun de Gewerkschafte wier iwwerdeems ganz raisonabel gewiescht, esou den Nicolas Schmit.
Fir d'Gespréicher tëschent de Sozialpartner, déi de Méindegmëtteg um 2 Auer weiderginn, wier dat keng gutt Viraussetzung, esou den Nicolas Schmit.
"Et muss ee fir d'éischt mol identifizéieren: ëm wat geet et? Ass d'Pensiounsreform dat zentraalt Theema? Oder gëtt et och nach aner Theemen? Fir mech ass d'Theema: wou steiert d'Lëtzebuerger Ekonomie hin?"
Mat méi laangen Ëffnungszäiten oder och méi Butteker, déi sonndes hir Dieren opmaachen, domat géifen d'Problemer vum der Lëtzebuerger Ekonomie net geléist ginn, esou den Nicolas Schmit.
