Der Regierung hiert Zil ass et Aarbechtsplazen ze erhalen, fir datt och no der Baukris nach genuch Aarbechtsplazen am Secteur existéiere fir méi bauen ze kënnen. Zum Zil vun der Moossnam, vun där just Entreprisë profitéiere kënnen, déi an de Beräicher Héichbau an Terrassement täteg sinn, sot de Lex Delles. De Käschtepunkt vun der Moossname fir d’ëffentlech Hand beziffert hien op 6,5 bis 7 Milliounen Euro de Mount.
Lex Delles: D'Regierung steet hannert dem Léon Gloden
Op d‘Heescheverbuet ugeschwat, seet de Lex Delles, datt a sengen Aen „egal wéi eppes muss gemaach ginn“, well et an der Stat effektiv e Probleem mam agressiven Heesche géif ginn. An deem Sënn wier et och richteg, datt de Stater Schäfferot an den Inneminister Decisioune geholl hätten. D‘Regierung géif och hannert där Decisioun stoen, sou de Wirtschaftsminister.