“Vläicht sinn d‘Leit sinn einfach iwwerfuerdert mat de villen Krisen.”, seet d’Magali Paulu. Mir hunn d’Coronakris duerchlieft, dono koum den Ukrainkrich mat der Energiekris. “Vill wëllen der näischt méi héieren." An awer misst jidderengem kloer ginn, datt mir e Wiessel an eiser Liewensmanéier brauchen, anescht hätt de Klimachangement ëmmer nämlech méi staark Auswierkungen. Elo kéint een di Changementer nach a gudder Ambiance maachen, seet d’Magali Paulus. Si bedauert awer, datt aktuell keng Oppenheet do schéngt ze sinn.
Besser Kommunikatioun
De CELL stellt sech och selwer a Fro. “Wat hu mir net gutt gemaach, datt d'Leit de Message net verstinn ?” freet d’Magali Paulus. Si wéilte probéieren elo anescht ze kommunikéieren an d’Leit och matzehuelen.
Fir de Rescht wëllen si d’Regierungsaarbecht ganz genee suivéieren. De CELL fënnt d’CSV an d’DP net progressistesch genuch, an esou hoffen si op eng lénks-progressiv Oppositioun an der Chamber. Réckschrëtt déi geholl ginn oder ze kleng Schrëtt déi gaange ginn, wéilt een denoncéieren. "Fir eng Transitioun vun eisem Gesellschaftsmodell erbäi ze feiere geet et nu Mol net duer un e puer Schrauwen ze dréinen", esou d’Magali Paulus.