D‘Inflatioun ass nämlech am September am Euroraum méi staark zeréckgaangen, wéi erwaart. Den éischten Estimatioune vun Eurostat no ass d‘Inflatioun am September, fir d‘éischte Kéier zënter méi wéi 3 Joer, ënnert d‘Limitte vun 2 Prozent gefall. Am August louch den Inflatiounstaux an der Eurozon nach bei 2,2 Prozent.
"D’Informatiounen, déi mir am Moment hunn, weisen, datt d’Desinflatioun um gudde Wee ass. An datt dat esou ass, huet och domat ze dinn, datt et beim Wirtschaftswuesstem zënter kuerzem eng Tendenz no ënne gëtt."
Dës Weidere misst een déi geopolitesch Situatioun am A halen, sou nach d’Christine Lagarde. Domat wiere besonnesch déi weider Auswierkungen op d’Ekonomie, ausgoend vum russeschen Ugrëffskrich op d’Ukrain, an d’Tensiounen am Noen Oste gemengt. Indikatiounen, ob et bei der nächster Sëtzung eng weider Baisse vum Leetzëns géife ginn, goufen et haut net.