Dat knappt Resultat ass eng Iwwerraschung, d‘Sondagen haten eng confortabel Victoire fir d‘EU- Memberschaft virausgesot.
D‘Presidentin sortante Maia Sandu huet Amëschung aus Russland responsabel gemaach. Dëst Resultat ass awer elo fir si den Optraach, datt den EU-Kurs vun der fréierer Sowjet-Republik an der Verfassung verankert gëtt.
De Kreml huet scho reagéiert a seet, et wier net alles richteg gelaf beim Ausziele vun de Stëmmen.
Parallel dozou waren a Moldawien och Presidentewalen. D‘Maia Sandu kënnt am éischten Tour op ronn 40 Prozent, esou virleefeg Resultater. Si géif domat d‘absolut Majoritéit verfeelen a misst an zwou Wochen an eng Stéchwal goen.