De Moie si mat militäreschen Éiere vun der groussherzoglecher Koppel virum Palais an der Stad empfaange ginn. Duerno haten si och eng Entrevue am Palais. Um Programm haut ass ënner anerem och eng Visitt an der Stater Gemeng a vun der SES zu Betzder. Den Owend ass e Galaiessen am Palais.
Muer geet d‘Presidentekoppel vun der Tschechescher Republik nach, ënner anerem, d‘NSPA zu Kapellen, d‘Europaschoul zu Mamer an den Europäesche Geriichtshaff besichen. Ier den tschechesche President a seng Fra rëm heem reesen, ass nach eng Receptioun am Cercle.
