/ De Carles Puigdemont gëtt definitiv net méi als EU-Deputéierten unerkannt
Spuenien
De Carles Puigdemont gëtt definitiv net méi als EU-Deputéierten unerkannt
De katalanesche Separatisteleader Carles Puigdemont gëtt definitiv net méi als EU-Deputéierten unerkannt. Den Europäesche Geriichtshaff huet dem Puigdemont seng Plainte rejetéiert. Géint hie läit zanter Joren en Haftbefeel fir, wéinst sengem illegalen Onofhängegkeets-Referendum, fir Katalounie vu Spuenien ze trennen.
Zanterhier lieft de Carles Puigdemont an der Belsch. 2019 war hien, zesumme mat engem anere katalaneschen Deputéierten, an d‘Europaparlament gewielt ginn. Den deemolege President vum EU-Parlament huet si awer net unerkannt, well si net offiziell spuenesch EU-Deputéiert waren, well si keen Eed op déi spuenesch Verfassung geleescht haten.
Dogéint hat de Carles Puigdemont sech gewiert an huet elo virun der leschter juristescher Instanz, dem Europäesche Geriichtshaff, verluer.
