D'Martine Deprez huet do och festgehal, datt d'Quatripartite u sech gutt verlaf wier.
"D’AMMD huet nach eng Kéier Rapport gemaach iwwer hir ausseruerdentlech Generalversammlung, déi den 8. Oktober war. Do krute si dann e Mandat, fir d’Konventioun ze kënnegen. Bis dato hu si se nach net gekënnegt. Hire Wording an der Sëtzung war: 'Mir wäerten an deenen nächsten Deeg a Wochen eis mat eise juristesche Beroder zesummesetzen, fir d’Konventioun ze kënnegen'."
Doriwwer eraus hätt ee keng weider Kommunikatioun kritt, esou d'Ministesch. D’Diere vum Ministère stéingen awer weider op, huet d’Martine Deprez betount.
Dem DP-Deputéierte Gérard Schockmel no géif d’AMMD sech iwwregens Zäit loossen, well si mat Léisunge fir eng nei Konventioun wéilt kommen.
