D’Regierung géif deene privaten Audit- a Finanzfirme méi Gehéier schenken, wéi den ONGen. An déi Aart a Weis ze denke kéinten d’Acteuren aus der Zivilgesellschaft net weider akzeptéieren, esou d’Magali Paulus vum CELL, Citizens for ecological learning an Living, déi am Numm vun deenen 33 Organisatioune geschwat huet.
"Mir wëllen, dass si hir Prioritéite reevaluéieren, an e konstruktiven Dialog mat den Acteuren aus der Zivilgesellschaft opstellen. Mir mussen all zesumme schaffe fir déi fundamental Valeuren, déi mir hunn, vu Gerechtegkeet, vu Sobrietéit a vu Solidaritéit a vu sozialer Inclusioun fir déi oprecht ze halen an ze garantéieren an eiser Gesellschaft. Haut sti mir hei, well mir déi Prinzippie wëlle schützen, a protegéieren a verdeedegen."
Weider hätten d’Net-Regierungsorganisatiounen d’Gefill, datt vun hinne just nach Service erwënscht wier, a kee kritescht Denke méi, esou nach d’Vertrieder vun den ONGen.