D'Läinduch ass 224 op 140 Zentimeter grouss, aus hellem Kotteng, beim Bord sinn d‘Initiale WK drop brodéiert. Déi belsch Police sicht virun allem no Leit, déi sech mat Broderie auskennen. Si solle sech bei der belscher Police mellen.
Dat Läinduch wier ee Beweisstéck an engem Mordfall. Doranner war nämlech 2008 d‘Läich vun engem Puppelchen, dat e puer Stonnen al war, agewéckelt. Scouten haten déi Läich an engem Dännebësch bei Baaschtnech fonnt.
