Den aserbaidjanesche President Aliyev hat hënt d’Victoire iwwer déi armenesch Separatisten an der Biergregioun erkläert. Parallel hu lokal Medien de Moien awer nees Schëss an der Haaptstad vu Bergkarabach gemellt. Armenien reprochéiert Aserbaidschan d‘Wafferou gebrach ze hunn. Baku dementéiert.
En Dënschdeg hat den Aserbaidschan d‘Biergregioun, an där vill Armenier liewen, nees ugegraff. Armenesche Medien no sinn dobäi iwwer 200 Mënschen ëm d‘Liewe komm. Den EU-Conseilspresident Charles Michel huet de Moien an engem Telefonsgespréich mam aserbaidjanesche President Sécherheetsgarantië fir d‘Armenier a Berg-Karabach gefuerdert.
Den armeneschen Ambassadeur bei de Vereenten Natiounen huet déi aserbaidjanesch Militäroperatioun a Bergkarabach aus de leschten Deeg de Moie virum UNO-Mënscherechtsrot als Verbrieche géint d‘Mënschlechkeet bezeechent. An der Regioun wier eng ethnesch Säuberung amgaangen.
