/ Bei der Post maache Päck bal d'Hallschent vum Ëmsaz aus
16,55 Millioune Päck sinn d‘lescht Joer verschéckt a geliwwert ginn. Dat si bal 8 Prozent méi wéi d‘Joer virdrun. De Beräich vun de Päck gëtt ëmmer méi grouss an dee vum Courrieren hëlt ëmmer méi of. Dat deelt den ILR, den Institut luxembourgeois de régulation, mat.
1 min
139,7 Millioune Bréiwer goufe verschéckt. Dat ass eng Baisse vun 8,5 Prozent an engem Joer.
An Tëschenzäit maachen d‘Päck bei der Post 46 Prozent vum Chiffres d‘affaires aus. 89,40 Milliounen Euro, dat sinn 11 Prozent méi wéi d‘Joer virdrun. Par Conter ass de Chiffre d‘affaire fir de Courrier ëm 6 Prozent zeréckgaangen.
