D’Spëtzekandidatur wier fir si op eemol awer net de richtege Wee gewiescht. An ee Konzept an deem och déi Jonk eng Plaz an der Partei solle kréien, hätt eng Spëtzekandidatin net higepasst.
„Well wat ee weess eben hei zu Lëtzebuerg mee awer och eben an aneren europäesche Länner ass de Spëtzekandidat dann ëmmer deen, dee méi Visibilitéit huet. Et ass ëmmer deen, deen da méi gefrot gëtt fir Interviews, dofir sëtzen ech och hei. An et war net stëmmeg.“
D’Politikerin erkläert och et wier ee realistesch wat d’Europawalen ugeet. Prioritéit wier net ee Sëtz ze gewannen, mee déi politesch Debatt mat ze bestëmmen.
D'Reegele solle respektéiert ginn
An zwee Joer wäert d'Ana Correia da Veiga fir den David Wagner an d‘Chamber erarotéieren, do erwaart si sech vill Aarbecht. Kritik kënnt awer elo schonn um Stil vun der neier Majoritéit.
"Mir wäerten eben dofir astoen dat d‘Reegele respektéiert ginn. Well wa mir schonn an der Politik d‘Reegelen net respektéiere wat gëtt dat e Bild no baussen. A wéi sollen eben, ech soen elo Bierger, eben d‘Gesellschaft sech dann drun halen.“
D‘Politik wier e Spigelbild, fënnt d‘Ana Correia da Veiga. Dofir sollt all Fraktioun sech un d‘Spillreegelen halen.