Konzernéiert vun dëser Alerte ass des Kéier de Produit Aptamil vun der Marque Pronutra.
Eng Warnung no der anerer
Gëschter um Samschdeg réischt hat d'ALVA eng weider Warnung lancéiert wéinst der Puddermëllech vun de Marken Laboratoire Gallia an dem Produit Lait infantiles Calisma Premier et Deuxième Age.
Weider Produiten ginn och aus dem Marché zeréckgeruff, bei der Marque Bledina ass et de Bledilait fir Kanner tësccht 0 an 6 Méint.
Verschidde Produiten Pronutra vun der Marque Aptamil an der Marque Nutrilon sinn och konzernéiert.
Net déi eenzeg betraffe Puddermëllechen
Et ass eng ganz Rei u Puddermëllechen, déi zënter e puer Deeg zeréckgeruff ginn. Ëmmer nees gëtt gewarnt, et kéinte sech toxesch Gëftstoffer an der Mëllech befannen. D'ALVA huet d'Grenzwäerter ugepasst a ka lo méi Kontrollen duerchféieren.
Déi ganz Lëscht vun de Puddermëllechen, déi fir den Ament zeréckgeruff sinn, fënnt een um Site vun der Liewensmëttelverwaltung.
