One World
On The Road I
56 min
Den Adrian Quesada, dee mir vun de Black Pumas kenne mat engem Soul Vintage Sound, léist op sengem Album “Boleros Psicodélicos“ romantesch Latino Atmosphären erkléngen.
Den Aka Trio ass eng international Renconter tëschent dräi bekannte Virtuosen: Antonio Forcione, Seckou Keita an Adriano Adewale.
De Sänger a Gittarist David Walters, dee seng kreolesch Originnen erfuerscht, héiere mir um schéinen Album “Nocturne” an der gudder Gesellschaft vum Meeschter Vincent Segal um Cello, de Kora Virtuose Ballaké Sissoko ass derbäi an och de Perkussionist Roger Raspail. “Nocturne” ass eng richteg kleng Pärel: feiereg a meditativ zugläich, eng melancholesch Rees, déi en Hommage un d’Musek an de Fridde mécht.
Afrodelic, dat ass de Projet vum Victor Diawara, deen déi traditionell Musek aus dem Mali mat elektronesche Rhythme verbënt.
“Raise The Roof” ass déi zweet Kollaboratioun vum brittesche Singer-Songwriter Robert Plant an der amerikanescher Bluegrass-Country Sängerin a Geiistin Alison Krauss. Wéineg Instrumenter, schéi Stëmmen … cool!
Den onverkennbaren David Crosby lauschtere mir haut vu sengem aachten a leschte Solo-Album “For Free”. Den Disk koum am Juli 2021 eraus, et sollt säi leschte ginn. Ufanks 2023 ass den David Crosby gestuerwen. Hien hannerléisst e Wierk, dat d’Museksgeschicht op all Zäite gepräägt huet. Iwwregens ass de Cover vu “For Free” vun der Joan Baez produzéiert.
Den Album “Winrah Marah” vum Jawhar bréngt de Folk vun engem Nick Drake zesumme mat der arabescher Sprooch, dem Chaabi an der zäitgenëssescher Pop. Schéin!
Déi bosnesch Sängerin Nataša Mirković kënne mir entdecken um Album “Risplendenti, riversi”, zesumme mat den Jazzmuseker Michel Godard (Serpent), Jarrod Cagwin (Perkussioun) a Luciano Biondini.
Den tuneesesche Komponist Anouar Brahem, dee virun allem den Oud spillt, geléngt et d’Traditiounen aus dem Orient mam Jazz an der Klassik op eng irresistibel Aart a Weis mateneen ze verbannen.
Playlist:
1. Adrian Quesada & iLe Boleros - Mentiras Con Cariño - Boleros Psicodélicos
2. AKA Trio - Saudade - JOY
3. Afrodelic - I Tara Fan Fan (feat. Erica Jennings) - I Tara Fan Fan
4. Vincent Segal, David Walters, Ballaké Sissoko & Roger Raspail - Freedom - Nocturne
5. Robert Plant & Alison Krauss - Trouble with My Love - Raise The Roof
6. David Crosby - Rodriguez For A Night - For Free
7. Khruangbin - May Ninth - A LA SALA
8. Jawhar - Soutbouk - Winrah Marah
9. Anouar Brahem Trio - Vague / E la nave va - Le Voyage De Sahar
10. Nataša Mirković, Michel Godard, Luciano Biondini & Jarrod Cagwin - A Trace of Grace (Arr. M. Godard) - Risplendenti, riversi
11. Adam Holzman - Truth Decay - Truth Decay
Episoden
Les métamorphoses du vide
Requiem pour un con
Melting Pot aus Südfrankräich, Bossa Nova, Improvisatioun, Jazz mat traditionell Museke verbonnen, Refugiéen am Dialog, e "Requiem pour un con", héich aktuell
Requiem pour un con
Melting Pot aus Südfrankräich, Bossa Nova, Improvisatioun, Jazz mat traditionell Museke verbonnen, Refugiéen am Dialog, e "Requiem pour un con", héich aktuell
From Kabul to Bamako
En neien Ethio-Jazz-Projet, afrikanesch an elektronesch Elementer co-habitéieren ouni sech op d'Féiss ze trëppelen a keltesch Influenzen, déi hire Polver net verschéissen.
From Kabul to Bamako
En neien Ethio-Jazz-Projet, afrikanesch an elektronesch Elementer co-habitéieren ouni sech op d'Féiss ze trëppelen a keltesch Influenzen, déi hire Polver net verschéissen.
Flowers
En Trio, fir deen d'Musek eng Weltsprooch ass, äthiopesch Kläng aus dem Exil, wann d'Wierder Blumme wieren, an en Dram, deen an Erfëllung goung.
Flowers
En Trio, fir deen d'Musek eng Weltsprooch ass, äthiopesch Kläng aus dem Exil, wann d'Wierder Blumme wieren, an en Dram, deen an Erfëllung goung.
Making Sense
Zwee fréier Membere vun DEUS, déi traditionell Musek vun den Touareg mat aneren Influenzen an de Speech vun engem Diktator, deen haut bekannte Klacke laude léist.
Making Sense
Zwee fréier Membere vun DEUS, déi traditionell Musek vun den Touareg mat aneren Influenzen an de Speech vun engem Diktator, deen haut bekannte Klacke laude léist.
Explicit Lyrics
Gläich e puer engagéiert Artiste vis à vis vum Rassismus an der Ënnerdréckung ënner all hire Formen. Dernieft ugeräicherte Fado an inspiréiert Globetrotter
Explicit Lyrics
Gläich e puer engagéiert Artiste vis à vis vum Rassismus an der Ënnerdréckung ënner all hire Formen. Dernieft ugeräicherte Fado an inspiréiert Globetrotter
Séiss Friichten
Museker vun Outre-Mer, déi hir Racinë sichen, Touareg a Kora-Spiller aus dem Mali, Folk aus Argentinien, séiss Lockdown-Friichten an en Apel, deen net wäit vum Stamm fält.
Séiss Friichten
Museker vun Outre-Mer, déi hir Racinë sichen, Touareg a Kora-Spiller aus dem Mali, Folk aus Argentinien, séiss Lockdown-Friichten an en Apel, deen net wäit vum Stamm fält.
The Power of Words
Eng Bluegrass-Sängerin, en Englänner, deen op Americana steet, keltesch Aflëss subtil ugeräichert, Hedonismus an Extas, an e Säitesprong vun engem franséische Chansonnier
The Power of Words
Eng Bluegrass-Sängerin, en Englänner, deen op Americana steet, keltesch Aflëss subtil ugeräichert, Hedonismus an Extas, an e Säitesprong vun engem franséische Chansonnier
From Mali to Norway
Nei Touareg Kläng, en togolesesche Museker, dee sech fir de Vaudou interesséiert, eng Fanfare, déi vum Afrobeat beaflosst ass, de Blues aus dem Mali, ...