One World

Nom Succès vu sengem Album "Solel Kréyol" an no der intimer Paranthèse vun “Nocturne” huet den David Walters ufanks dëst Joer “Soul Tropical” verëffentlecht. En Disk fir den Dancefloor, deen d’Liewen zelebréiert an an deem den David Walters sech op en Neits mat senge kreoleschen Originne connectéiert.
Den David Walters ass ze gesinn um Nancy Jazz Pulsations Festival, dee vum 7.-21. Oktober iwwer d’Bün geet.
Den Erik Truffaz, de franséische Jazz-Trompettist, och hien ass dëst Joer um Nany Jazz Pulsations Festival, wou hie säin neien Album "Rollin’ & Clap" virstelle kennt. Op dësem revisitéiert hien déi grouss Theeme vum Kino a Komponiste wéi en Nino Rota, Ennio Morricone oder Philippe Sarde.
Zéng Joer sinn dEUS net méi opgetrueden a kommen elo hiren aachten Album “How To Replace It” op Nanzeg virstellen. Inspiréiert a melodesch a liicht decaléiert. dEUS um NJP, si spillen den Donneschdeg 19. Oktober.
Kham Meslien & Anthony Joseph: De Kontrabassist Kham Meslien erfuerscht säin Instrument, schafft mat Loops an Effekter an improviséiert gären. E flotte Concert vun dësem Virtuos an inspiréierte Museker, dee sech hei ukënnegt. Hien ass de 17. Oktober um NJP.
Den neien Album “Ha Ha Heartbreak” vun Warhaus entdecke mir och dës Kéier. Warhaus, belsch Formatioun an e Säitesprong vum Maarten Devoldere, deen ee kennt als Sänger vu Balthazar.
Eng vun de spannenden Decouvertë fir mech dëst Joer op den Nancy Jazz Pulsations ass d’Flüttistin Naissam Jalal an hir Formatioun Rhythms Of Resistance. Et heescht dës Formatioun ënnerscheed sech vu ville schonn eleng doduerch, datt een hei keng pyramidal Opdeelung hunn, d. h. de Leader, dee vu sengen Acolytte begleet gëtt. Am Géigendeel hei steet jiddwereen op derselwechter Front, wou och jiddweree säi Risiko ageet.
Dem Cynthia seng Decouverte vun dëser Woch: Naissam Jalal ze gesinn am Kader vun den NJP Festival vum 7.-21. Oktober.
Playlist:
1. David Walters & K.O.G - Gimme Love - Soul Tropical
2. Sault - Uncomfortable - Untitled (Rise)
3. Yussef Dayes - Rust (feat. Tom Misch) - Black Classical Music
4. Erik Truffaz - Trippin' the Lovelight Fantastic - Arkhangelsk
5. dEUS - Dream Is a Giver - How To Replace It
6. dEUS - Pirates - How To Replace It
7. Warhaus - Time Bomb - Ha Ha Heartbreak
8. Nana Rashid - Poor Blue Betty - Music for Betty
9. Kham Meslien & Anthony Joseph - La couleur (Elbows of the land) -Fantômes… Futurs
10. Naïssam Jalal & Rhythms of Resistance - Buleria Sarkhat Al Ard - Un autre monde
11. Mulatu Astatke & Black Jesus Experience - To Know Without Knowing - To Know Without Knowing

Episoden