De Singer-Songwriter Idrissa Soumaoro léist op sengem neien Album “Diré” Reflexiounen iwwer de Fridden erkléngen an huet Hoffnung, datt d’Mënschen aus dem Mali nees zesummefannen.
De psychedelesche Rock aus Zambia, och nach Zamnrock genannt, léisst eng catchy Fusioun vun afrikanesche Perkussiounen, groovy Basslinnen a muskléierte Gittaren erkléngen.
Net jiddweree wot sech un den Hendrix erun, den hawaiianesche Komponist an Ukulele-Virtuos Jake Shimabukuro schéngt do keng Beréierungsängschten ze hunn.
Zwee Artisten aus Australien sinn dës Kéier derbäi, de Chet Faker an d’Tash Sultana, déi allebéid dee vun der Sonn genierten easy Way of Life erklénge loossen.
Deen aussergewéinleche Gittarist Dizzy Mandjeku aus dem Kongo huet den Album “De Palenque À Matongé” zesumme mam afrokolumbianesche Quintet Alé Kuma agespillt, eng schéi Renconter tëschent de Kulturen. Stëmm, elektresche Bass a Charango, den Trio Yodi trëfft direkt an d’Häerz!
Muito Kaballa, dat war am Ufank de Projet vun enger eenzelner Persoun, dem Niklas Mündemann, dësen huet sech séier zu engem néngkäppege Power-Ensembel entwéckelt.
Playlist:
1. Idrissa Soumaoro - N’den Tedi - Diré
2. Witch - Waile -Waile
3. Obongjayar - Soldier Ant - Which Way is Forward?
4. Jake Shimabukuro - If 6 Was 9 - The Greatest Day
5. Chet Faker - No Diggity - Thinking in Textures
6. Tash Sultana - Jungle - Notion
7. Misia - Ausência - Pura Vida (Banda Sonora)
8. Dizzy Mandjeku & Alé Kumá - Tengo Un Dolor - De Palenque À Matongé
9. AKA Trio - Saudade - JOY
10. Yodi - Mariposa - Mariposa
11. Muito Kaballa - Luna (feat. Reinel Bakole) - Like a River