Iwwer Bierg an Dall Pompjeesmusée zu Nidderwolz

Hanner dem Pompjeesmusée zu Nidderwolz sti sechs Pensionnairen, déi mat vill Enthusiasmus an Engagement de "Pompjeesmusée an der Géitz" verwierklecht hunn. De Musée erzielt d'Geschicht vum Feier läschen hei am Land.

Natasha Ehrmann / cz

Pompjeesmusée zu Wolz 2

Virun zwee Méint, kuerz nom Confinement, huet zu Nidderwolz de Pompjeesmusée seng Dieren opgemaach. Nodeems laang iwwer esou e Musée geschwat gouf, hu véier Pensionäre sech dozou engagéiert fir an engem ale Pompjeesbau zu Nidderwolz dee Musée opzemaachen.

D'Iddi fir dee grousse Pompjeesmusée ass viru ronn 20 Joer gebuer, mee ni aus den Ae verluer gaangen. Geplangt war ufanks e grousse Musée mat den Administratioune Police, Douane a Post. Dee Projet huet sech awer ni realiséiert. Duerch Zoufall huet d'Gemeng Wolz dem Verband eng al Kasär zur Verfügung gestallt, fir e symboleschen Euro.

Projet vun Enthusiasten a Sponsoren

Enn 2018 hunn d'Sanéierungsaarbechte ugefaangen, an eegener Regie, mat Hëllef vun treie Sponsoren.

Den 21. Dezember 2019 gouf dunn ee Veräin gegrënnt mam Numm: "Frënn vum Pompjeesmusée an der Géitz". De Veräin ass Member vum Pompjeesverband a krut zur Aufgab sech ëm d'Gerance vum Pompjeesmusée ze këmmeren. D'Federatioun hätt am Ganzen 150.000 Euro an de Projet investéiert, extern Firmen nach emol 200.000 Euro, de Staat oder d'Gemeng hunn de Projet net ënnerstëtzt, seet de Patrick Juncker, President vum Comité vun de Frënn vum Pompjeesmusée an der Géitz.

Den Eyecatcher vum Musée steet direkt an der Entrée. Ee Won aus dem Joer 1931. De Musée kann op Echangë vun Ausstellungsmaterial zielen, well Lëtzebuerg och am Weltverband vun de Pompjeeë vertrueden ass. D'Pompjeeë vu Biekerech hunn dem Musée iwwerdeems 190 Miniaturween zur Verfügung gestallt.

Edukativen Eck mat engem Demo-Brandschutzhaus

De Pompjeesmusée huet och eng pedagogesch Offer fir Kanner op Noutfall-Situatiounen ze sensibiliséieren, esou e Patrick Juncker. "Mir wëllen och Schoulklassen am Musée empfänken, dat hu mir als Test gemaach fir Feedback ze kréien an haten Succès domadder."

Op zwee Stäck verdeelt gëtt et iwwerall eppes ze gesinn. Vu Feierläscher iwwer Uniformen, Medailen, Gasmasken, Réier, Seeler a Protektiounsmaterial, esouguer eng authentesch Siren.

An der Mediathéik:

Lauschteren

Méi zum Thema

Marc Mamer, President vum Pompjeesverband
Pompjeesverband

De Pompjeesverband steet generell hanner der Reform vum Rettungswiesen. Si fuerderen awer eenzel Verbesserungen: Stéchwierder sinn d'Indemnitéite fir d'Veteranen oder och de medezinesche Kontroll.

Programm

Net verpassen

Dossieren

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen