Diplomatesch Relatiounen "Mir huelen dat zur Kenntnis"

Den amerikaneschen Ausseministère huet decidéiert, d'Visitt vum Mike Pompeo zu Lëtzebuerg ze cancelen an dat huele mir zur Kenntnis, esou d'Erklärung haut op eis Nofro hi vum Lëtzebuerger Staatsministère. Weider Froen zum Thema wollte weder de Staatsministère nach den Ausseministère beäntwerten.

Serge Kesseler / cbi

Mike Pompeo
Den Ausseminister vun den USA, de Mike Pompeo. Foto: picture alliance / Photoshot

Lauschteren


De Premier Xavier Bettel hat de 7. Januar op Twitter d'Attack op de Capitol als eng Attack op d'Demokratie an op d'Pressefräiheet kritiséiert. Den Ausseminister Jean Asselborn hat an Interviewe gefuerdert, datt den US-President virun e Strofgeriicht misst gestallt ginn.

Ass d'Regierung solidaresch mat den Aussoe vum Lëtzebuerger Ausseminister? A consideréiert d'Regierung den Här Trump als e "Verbriecher"? Ënner anerem dës Froen hätt den Oppositiounsdeputéierte Fernand Kartheiser (ADR) gäre vum Premier a vum Ausseminister beäntwert.

Grënn fir d'Annulatioun

Eng geplangten Entrevue zu Lëtzebuerg, wier vun der Lëtzebuerger Regierung ofgesot ginn, esou CNN. Der New York Times no wier de Stopp vum Mike Pompeo zu Lëtzebuerg schonn wech gefall, nodeems den Ausseminister Jean Asselborn den US-President e "Kriminellen" an e "politesche Brandstëfter" genannt hat, dat nom Stuerem op de Capitol.

Den US-Ausseminister hätt seng lescht Europa-Rees wéinst ofgesoten Entrevue mat EU-Vertrieder gestrach, schreift iwwerdeems d'Agence Reuters, déi Insider zitéiert. Den Hannergrond wier, datt d'Europäer dem Mike Pompeo déi kal Schëller gewisen hätten. Zitéiert gëtt een Diplomat, dee seet, nom Stuerem op de Capitol zu Washington, géif een Treffe mam Pompeo d'US-Alliéierter a Verleeenheet bréngen.

D'Rees vum Nach-US-Ausseminister war eréischt e Méindeg ugekënnegt ginn. Haut an enger Woch gëtt zu Washington den neien US-President Joe Biden vereedegt.

Méi zum Thema

No den Onrouen zu Washington
Onrouen zu Washington

D'Demokrate wëllen den Donald Trump nach virum Enn vu sengem Mandat aus dem Wäissen Haus. D'Angscht ass, datt hie seng Supporter a senge leschten zwou Wochen als President net wëllt ënner Kontroll kréien.

Trump supporters try to break through a police barrier, Wednesday, Jan. 6, 2021, at the Capitol in Washington. As Congress prepares to affirm President-elect Joe Biden's victory, thousands of people have gathered to show their support for President Donald
Onrouen zu Washington

Den Ausseminister seet, datt den Donald Trump ee politeschen Brandstëfter wier an sech dofir misst viru Geriicht verantworten. An der Nuecht haten Trump-Supporter de Kapitol zu Washington gestiermt.

Ugrëff op de Kapitol
Onrouen zu Washington

Den US-Kongress sollt den Owend d'Wiel vum Demokrat Joe Biden als US-President confirméieren. D'Sitzung huet missen ënnerbrach gi well Trump-Supporter mat Gewalt an de Kapitol zu Washington agedronge sinn.

 

Net verpassen

  • Mam 100,7-Mikro ënnerwee

    Max Feyder

    Eise jonke Freelancer Max Feyder aka Skibi ass an den nächste Woche mam 100,7-Mikro ënnerwee, fir an der Strooss Stëmmungsbiller anzefänken an d'Leit no hirer Meenung zu bestëmmten Theemen ze froen.

Programm

Dossieren

  • Olympesch Spiller 2021

    D'Olympesch Spiller fannen, mat enger Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen