Logement Syvicol: De Baulandvertrag als Mëttel géint Terrainsspekulatioun

Wei kann ee méi bezuelbare Wunnraum schafen a gläichzäiteg Immobilie-Spekulatiounen entgéintwierken? Iwwer déi Froe ginn et ënnerschiddlech Meenungen an Usätz. De President vum Gemengesyndikat Syvicol deelt dowéinst net all d'Aussoen, déi den Direkter vun der SNHBM Guy Entringer op dëser Antenn gemaach huet. Fir den Emile Eicher ass de sougenannte Baulandvertrag een Deel vun der Léisung.

Vesna Andonovic / cz

Emile Eicher
Foto: Archiv

Lauschteren


De Syvicol-President Emile Eicher deelt d'Meenung vum SNHBM-Direkter Guy Entringer net, datt Gemenge private Proprietäre géife "Kaddoen" maachen, wa se de Bauperimeter erweideren. Et misst een och Conditiounen an Oplagen erfëlle fir datt en Terrain viabiliséiert gëtt. De sougenannte Baulandvertrag, deen zënter dem 18. Mee als projet de loi géif virleien, géif dem Emile Eicher no déi Probleemer zu engem gudden Deel léisen.

Esou e "Baulandvertrag" géif de Gemengen nei Stellschrauwe gi fir méi Afloss op d'Entwécklung vum Wunnengsbau op hirem Territoire ze huelen. Zum Beispill kéinte Gemengen doduerch och Proprietäre forcéieren fir hir Terrainen ze viabiliséieren, sou den Emile Eicher.

D'Dalaie misste méi kuerz ginn

Et géif awer schonn eng Schwaachstell aus der Siicht vum Emile Eicher ginn.

"Allerdéngs an der Propos, do stinn zwielef Joer Maximum Viabilisatiounsdélai dran an de Creneau fir d'Konstruktioun duerno och nach véier Joer. Dat ass ganz ganz laang."

Wann een d'Delaie géif op d'Hallschent reduzéiere kéim een der Saach scho méi no, esou de Emile Eicher. Fir weider ze komme misst een engersäits d'Gemengen, mee anerersäits och privat Acteure mat an d'Boot huelen

"Dofir fannen ech déi Iddi vum Baulandvertrag guer net esou ofwegeg, well een jo do de Privatpromoteur dozou forcéiert ze investéieren. An da mengen ech kéim een ob béide Säite méi schnell virun."

Syvicol-President fuerdert Debat iwwer Wuesstum

De Problem vum bezuelbare Wunnraum wier dann och an engem méi breede Kontext ze gesinn, esou de President vum Gemengesyndikat Syvicol, selwer Buergermeeschter zu Klierf an CSV-Deputéierten.

"Den Haaptproblem, de mir am Wunnengsbau hunn huet éischter domat ze doe wat fir eng Wuesstemspolitik wëlle mir an dem Land hei. Wa mir d'Demande nach ëmmer esou uspornen andeem mer nach ëmmer méi Leit brauche fir eise Wuesstem ze animéieren, da kritt dir op der Offer- Säit natierlech net genuch Terrain schnell genuch erbäi mat der Konsequenz datt d'Präisser steigen. Ech mengen déi Diskussioun ëm de Wuesstem an d'Zukunftsrichtung vu Lëtzebuerg, déi muss gefouert ginn."

Méi zum Thema

Guy Entringer
Logement

Fir laangfristeg eng Reserv u Bauland opzebaue misst de Staat elo verstäerkt Terraine kafen, déi baussent dem Bauperimeter leien, fuerdert de Guy Entringer. Esou Akerland wier den Ament bezuelbar.

Antoine Paccoud
Logement

Et feelt zu Lëtzebuerg un der Bereetschaft vu Proprietäre fir hir Terrainen an d'Vente ze ginn a bebauen ze loossen. Et géif deemno och näischt bréngen, de Bauperimeter ze vergréisseren, seet den Antoine Paccoud.

Net verpassen

  • Offre d'emploi: Programmchef/fin

    radio 100,7

    Den Etablissement de Radiodiffusion Socioculturelle, deen de radio 100,7 bedreift, sicht en/eng neie/nei Programmchef/fin mat engem Aarbechtsvertrag op onbestëmmten Dauer (CDI) fir 40 Stonnen d'Woch.

Programm

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen