Kannerkëscht

De Mukami an d'Bierger

22.12.2025 - 10h30

Eng nei Lauschtergeschicht mam Mukami vun der Anja Di Bartolomeo

Den Emil an de Frutz: E Kannerbuch an eng Lauschtergeschicht

22.12.2025 - 10h00

Eng nei Lauschtergeschicht vum Claude Zeimes

Kann ee mat Téin e Glas zersprangen dinn?

28.11.2025 - 23h30

Är Eltere kennen eventuell d’Tintin-Geschicht, an där d’Operesängerin Bianca Castafiore duerch hiert Sangen, also duerch hir Stëmm e Glas zersprangen deet. Ass dat méiglech, datt een eleng nëmme mat der Stëmm, et fäerdegbréngt, datt dat Glas zerspréngt?

Musek ass Gefill an dofir beréiert Musek

28.11.2025 - 23h15

Musek huet en Afloss op de Mënsch, op säi Gemitt an op seng Gefiller. A genee doriwwer huet d’Michelle Weber vum FNR, dem Luxemburg National Research Fund, dem Jean Claude Majerus nawell Interessantes verzielt.

Eng Nuecht an der Philharmonie

28.11.2025 - 23h00

Wësst dir wat geschitt, wann d'Musekerinnen a Museker hir Instrumenter iwwer Nuecht no der Prouf am Concertssall stoe loossen? Mir och net, mee dat gi mir an dëser Geschicht vum Olivier Garofalo gewuer.

De Rigoletto Vodoo-Zauber

28.11.2025 - 22h50

D’Paule Rodesch an de Jean Claude Majerus haten déi aussergewéinlech Éier an enger Prouf vum Philharmoneschen Orchester derbäi ze sinn, an zwar mat der Dirigentin Alva Allegra an dem grousse Startenor Tullio Vibrato.

Dem Luthier iwwer d’Schëller gekuckt

28.11.2025 - 22h30

De Jacques Sanavia ass Luthier oder anescht gesot: e Geiebauer. D‘Suri, d‘Amélie an d‘Lucy ware bis bei hie laanscht a wollte méi iwwer säi Beruff erausfannen.

D’Eloisa a seng Gei

28.11.2025 - 22h15

D‘Nora, d‘Anna, d‘Hannah an de Kabeer waren dat jonkt Talent Eloisa Aubert an de Conservatoire besichen. Déi jonk Geiistin huet mat hiren eelef Joer schonn esou munch internationale Concours gewonnen. D’Kannerreporter:inne hunn hir e puer Froe gestallt.

Musek maachen op enger Schalimosflütt

28.11.2025 - 21h45

Am nächsten Experiment ronderëm de Knall, Téin a Schall geet et elo ëm den Toun a mat engem Toun kann ee jo och Musek maachen. De Joseph Rodesch baut dofir mat iech zesummen eng Schalimosflütt, op där een duerno och spille kann.

Mir fabrizéieren eng Knupptut

28.11.2025 - 21h15

An dësem Experiment geet et elo dorëms eng Knupptut ze bauen, ze falen oder ze fabrizéieren, wéi een et och wëllt soen.

E Besuch bei de Lëtzebuerger Philharmoniker

28.11.2025 - 20h55

Well d’Kannerradionuecht jo “Eng Nuecht an der Philharmonie“ iwwerschriwwe war, hate mir eis Kannerreporter:innen dohinner geschéckt. Op der Plaz hu sech d’Léonie, d’Charlotte, d’Vickie an de Leo dräi Philharmoniker gekroopt a befrot.

De Kannerradionuechtsong 2025 “Nach en Dag” vum luk.

28.11.2025 - 20h00

Dëst Joer kënnt de Kannerradionuecht Song vum luk., oder anescht gesot vum Luka Tonnar. Den Titel vum Song ass “Nach en Dag”. D’Paule Rodesch huet mam Luka iwwer d’Realisatioun vu sengem Song geschwat.

E Fest am Wanterbësch

28.11.2025 - 19h50

An dëser Déieregeschicht aus dem Wanterbësch hunn d’Déieren aus dem Bësch decidéiert e Fest ze maachen, wat bestëmmt ganz flott gëtt an déi meescht sech drop freeën. Just de Fuuss ass net esou iwwerzeegt, well hien weess nämlech net, wat e Fest ass.

D’Knackint an d’Krickint

28.11.2025 - 19h40

Déi Kéier geet et ëm d’Knackint an d’Krickint, déi eng grouss Frëndschaft hunn an decidéiert hunn och de Wanter zesummen ze verbréngen, mee dat wäert awer ... Nee, dat soe mir iech elo net, mee dofir lauschtert gutt no!

Déi zweefaarweg Bëschspëtzmaus an hir Spënnchen

28.11.2025 - 19h30

Well et Hierscht ass, sinn Déieren am Bësch amgaange sech op de Wanter ze preparéieren. Mee just déi zweefaarweg Bëschspëtzmaus huet iergendwéi keng Loscht dorobber an huet eppes ganz aneschters wëlles.

Den Hirsch huet den Hals wéi!

28.11.2025 - 19h15

An där heiten Déieregeschicht aus dem Wanterbësch geet et ëm en Hirsch, deen, wat jo net vun ongeféier an dëser Joreszäit ass, Halswéi huet. Wéi kann him gehollef ginn?

De Jos a seng grujeleg Halloweennuecht

31.10.2025 - 17h00

De Jos, de klenge Lausbouf, deen der schonn eng Zäitche kennt, gëtt ëmmer benzeg wann et Halloween ass. Mä déi Kéier erlieft de Jos awer seng grujelegsten Halloweennuecht. Happy Halloween!

De Mukami an d’Geschicht mat der Geeschterbunn

21.08.2025 - 10h00

Et ass d'Zäit vun der Schueberfouer. Natierlech ass de Pit och schonn immens ongedëlleg fir endlech op d’Fouer ze goen an hien hëlt natierlech de Mukami mat. Deen ass ufanks zwar net esou benzeg, mee e Besuch mam Mukami ass jo och keen normale Besuch!

De Jos an d’Saach mam Gaardenhaischen

17.07.2025 - 12h00

De Jos a seng Schwëster Nora kréie vun der Mamm d’Missioun, d’Gaardenhaischen, dat si sech schonn esou laang gewënscht hunn, opzeriichten.

D’Pirateband

17.07.2025 - 11h00

D’Kanner vum Panda Club hunn eng flott Geschicht iwwer eng Pirateband geschriwwen.