Liewensgeschichten
Dës Woch am Portrait d'Stéphanie Rosquin
11 min
Dës Woch léiert Dir d’Stéphanie Rosquin kennen.
“Verlooss deng Confortzone an entdeck d‘Welt”, ass hire Liewensmotto.
Sport, Déieren, Medezin, Wëssenschaft a Kanner stinn als Engagement op hirem Schoul- a Liewenswee. Selwer vu Sport begeeschtert, wëllt si och aneren hëllefen hir Ziler ze erreechen, sief dat iwwer Ernärung oder Sport.
"Ouni Sport wier ech net ze hidde gewiescht".
D’Ernärungsberoderin ass reegelméisseg op Besuch an der Emissioun Iwwer Mëtteg, fir d’Serie Bewosst gesond, mëttwochs um 11.30 Auer
Dës Woch awer steet si als Persoun selwer am Fokus, mat hirer Liewensphilosophie, an deem wat hir wichteg ass.
Sophrologie a Philosophie hunn hir Léierjore gepräägt, an de Bléck op eng gesond Entwécklung vum Kand, wat d’Iessen ugeet, sinn hir wichteg. Si ass ëmmer gär am Déngscht vun aneren.
"Ech hunn op der Palliativstatioun fir Erwuessener geschafft a gemierkt, datt ech dat eigentlech gär géif bei Kanner maachen. Ech hunn dunn als Quereinsteiger eng Formatioun beim Bundesverband Kinderhospiz gemaach an der pediatrescher Palliativversorgung an hu meng Ofschlossaarbecht iwwer d’Méiglechkeet vum Opbau vun engem Kanner- a Jugendhospiz zu Lëtzebuerg geschriwwen".
Si huet Formatiounen an der Palliative Care Pediatrie gemaach an elo steet en neie Projet un: den Opbau vun engem Kannerhospiz. Iwwer alles dat erzielt si eis.
Episoden
Dës Woch am Portrait d’Lis Muller
Hire Liewensmotto: Seng Dreem ëmsetzen a positiv bleiwen. Nei Weeër entstinn doduerch, datt ee se geet!
Dës Woch am Portrait: de Sören Salvatore
Säi Liewensmotto Ëmmer eng positiv Nout fannen an een Dag nom deem anere kucken.
Dës Woch am Portrait d'Stéphanie Rosquin
Verlooss deng Confortzon an entdeck d‘Welt, dat ass hire Liewensmotto.
Dës Woch am Portrait: de Kim Meyer
Säi Liewensmotto: Nimools opginn
Dës Woch am Portrait den Dan Terrao
Säi Liewensmotto: Lief deng Authentizitéit aus, och wann déi aner fannen, dass du verréckt bass. A gëff ëmmer eppes zeréck.
Dës Woch am Portrait d’Jil Roeser
Hire Liewensmotto: Ëmmer dat Bescht doraus maachen
Dës Woch am Portrait d’Manette Ernst-Schumann
Hire Liewensmotto ass: Positiv sinn.
