Liewensgeschichten
Dës Woch am Portrait: de Kim Meyer
11 min
Dës Woch léiert Dir de Kim Meyer kennen.
Mat Dauwen hat hie weider ni eppes um Hutt, bis eng Babydauf, déi net méi fléie konnt, enges Daags virun him louch. An dat ass alles laang hier. Zanterhier ass hien als den ”Dauweretter” vu Lëtzebuerg bekannt.
“Mir hunn an eisem Dauweschlag verletzte Staddauwen, Dauwen déi ausgesat goufen a Rassendauwen, déi de Wee net méi heem fannen. En anere Problem ass dee mat de Dauwen, déi op Hochzäite oder fir e Begriefnes fléie gelooss ginn. Déi Déiere sinn duerno komplett verluer, ginn iwwerrannt oder stierwe vun Honger”.
Vill Leit sinn net frou mat den Dauwen, dat bedauert de Kim Meyer, well datt se do si wou se sinn, ass net hir Schold. Hie muss sech och ëmmer erëm verdeedegen a rechtfertegen, datt hien Dauwe rett. Vill Leit hu kee Versteesdemech, firwat een eng Dauwen oppäppele soll, déi z. B. e gebrachene Flillek huet.
“Dauwe fiederen ass scho wichteg, awer nëmmen do, wou keen Dauweschlag ass. Mee Broutgrimmelen oder Iessreschter vum Mënsch sinn net gutt, grad wéi se verjoen, andeems ee mam Fouss no hinne rennt. D’Dauw ka sech verletzen a verletzten Déiere kommen net fort.”
De Stolaarbechter Kim Meyer vun Nidderkäerjeng huet de Veräi Staddauwen Lëtzebuerg gegrënnt. Hien ass mat Leif a Séil aktiv am Schutz fir d’Dauwen:
“Meng Zukunftsvisioun wier en Asyl fir Dauwe kënnen ze grënnen”.
Episoden
Dës Woch am Portrait d’Lis Muller
Hire Liewensmotto: Seng Dreem ëmsetzen a positiv bleiwen. Nei Weeër entstinn doduerch, datt ee se geet!
Dës Woch am Portrait: de Sören Salvatore
Säi Liewensmotto Ëmmer eng positiv Nout fannen an een Dag nom deem anere kucken.
Dës Woch am Portrait d'Stéphanie Rosquin
Verlooss deng Confortzon an entdeck d‘Welt, dat ass hire Liewensmotto.
Dës Woch am Portrait: de Kim Meyer
Säi Liewensmotto: Nimools opginn
Dës Woch am Portrait den Dan Terrao
Säi Liewensmotto: Lief deng Authentizitéit aus, och wann déi aner fannen, dass du verréckt bass. A gëff ëmmer eppes zeréck.
Dës Woch am Portrait d’Jil Roeser
Hire Liewensmotto: Ëmmer dat Bescht doraus maachen
Dës Woch am Portrait d’Manette Ernst-Schumann
Hire Liewensmotto ass: Positiv sinn.
