Kooperativ Eltere bleiwe bei Trennung a Scheedung
Wann eng Koppel sech trennt, ginn et vill Grënn, fir wat dës Entscheedung geholl gëtt. Vill Kanner hunn duerch eng Trennung oder Scheedung vun hiren Eltere souguer méi Méiglechkeeten op eng glécklech Kandheet mat Elteren, déi si ënnerstëtzen a gemeinsam begleeden. An dëse Situatioune bleiwen d’Elteren a Kooperatioun, oder kënne kooperatiivt Verhalen duerch Trennung souguer besser entwéckelen. Awer et gëtt och Situatiounen, an deene sech net nëmmen d’Koppel trennt, mee mat der Trennung leider och gutt gemeinsam Eltere si verluer geet, oder net ka weider dru geschafft ginn, fir dëst ze entwéckelen. Wann déi getrennte Koppel dann en plus nach vill iwwer all méiglech Theeme streit, entstinn am neie System vill schwéier Dynamiken an d’Kanner sinn erausgefuerdert domat eens ze ginn. Esou kann et sinn, dat e Kand guer kee Kontakt zu engem Elterendeel méi huet, oder datt et vill domat beschäftegt ass, et den zwee Elterendeeler gerecht ze maachen, awer seng eege Bedierfnisser dobäi ze vill zeréckhält. Dacks spiere sech d‘Kanner an dësen Dynamiken iwwersinn a vill eleng, obwuel hir Eltere grad ëm si vill streiden. Doduerch entsti paradox Situatiounen, an deenen d‘Entwécklung vum Kand belaascht ass.
An der Erzéiungs- a Familljeberodung gëtt zanter laanger Zäit mat Famille geschafft, och wann d’Koppel sech trennt. Zanter engem Joer bitt de Service ee Gruppeprogramm u mam Numm “Kinder aus der Klemme”. Dëse Programm ënnerstëtzt Famille bei der Sich no neie Léisungsweeër fir eng kooperativ Eltereschaft a réckelt d’Kanner an ee gemeinsame Fokus.
Explikatioune mat der Maja Hehlen, lic.-phil. Psychologin bei der Erzéiungs- a Familljeberodung (https://www.erzeiungs-a-familljeberodung.lu/)
