Den amerikaneschen Acteur mat litaueschen Originne war ee vun de legendären "Tough Guys", vun de "Rauen Typen" aus der Dramfabrick Hollywood. De Charles Bronson ass den 30. August 2003 zu Los Angeles gestuerwen, dat sinn elo 20 Joer hier. Mee scho laang viru sengem Doud hat een näischt méi vum Acteur héieren, de Charles Bronson stoung 1998 als Inspekter an der Televisiouns-Serie "Family of Cops" eng leschte Kéier virun der Kamera, éier hie sech dunn zeréckgezunn huet, an dat am duebele Sënn vum Wuert, well de Charles Bronson seng lescht Joren duerch d'Alzheimerkrankheet wäit ewech vun der Realitéit gelieft huet.
De Jean Claude Majerus iwwer den Charles Bronson.
